Lubi starši, wjeselimy so, Wam zdźělić móc, zo mamy aktualnje swobodne městna w našim dźěćacym domje. Naš team angažowanych kubłarkow a kubłarjow je spřihotowany, zo by Waše dźěći lubosćiwje zastarał a spěchował. Naše kubłanišćo skići: hladanje dźěći za wšelake starobne skupiny / hajenje a posrědkowanje serbskeje rěče / pedagogisce hódnotne aktiwity a hry / posrědkowanje křesćanskich hódnotow a křesćanskich přikładow / wěstu a luboznu wokolinu. Jeli maće zajim abo dalše informacije trjebaće, njewahajće, nas kontaktować. Wjeselimy so na to, Was a Waše dźěćo pola nas witać! Wutrobne postrowy, Waš team dźěcaceho domu

Witajće na internetnu stronu “Katólskeho serbskeho dźěćaceho domu Alojs Andricki”. Chcemy so Wam na tutym puću předstajić, Was wo nowosćach informować a mały dohlad do našeho dźěła dać. Mjeno našeho zarjadnišća zrozumimy jako zakład našeho dźěła. Dźěćacy dom je poskitk katólskeje wosady „Marije kralowny róžowca“ a je wotewrjeny za wšitkich, kotřiž móža so z zaměrami kubłanišća identifikować. Jako serbske kubłanišćo maja za nas serbska rěć, kultura a narodnosć wosebitu hódnotu. Dźěći zeznajomnja so pola nas ze žiwjenjom zbóžneho kapłana Alojsa Andrickeho. Wón je nam z přikładom wjesołeho a horliweho křesćana.