“Pomhaj mi, zo bych to sam zdokonjał !” (Maria Montessori)

Witajće na internetnu stronu “Katolskeho serbskeho dźěćaceho domu Alojs Andricki”.

Chcemy so Wam na tutym puću předstajić, Was wo nowosćach informować a mały dohlad do našeho dźěła dać. Mjeno našeho zarjadnišća zrozumimy jako zakład našeho dźěła. Dźěćacy dom je poskitk katolskeje wosady „Marije kralowny róžowca“ a je wotewrjeny za wšitkich, kotřiž móža so ze zaměrami kubłanišća identifikować. Jako serbske kubłanišćo maja za nas serbska rěć, kultura a narodnosć wosebitu hódnotu. Dźěći zeznajomnja so pola nas ze žiwjenjom zbóžneho kapłana Alojsa Andrickeho. Wón je nam z přikładom wjesołeho a horliweho křesćana.